NASA 逐工一幅天文圖 APOD Taigi

2024 年 ê 第二擺日食 ùi 太平洋 開始。10 月 2 號，月球 ê 烏影 ùi 西爿 徙 tùi 東爿去。Tī 這條狹狹 ê 偽本影路線下底 ê 人，會當看著 日環食。這條路線主要是 tī 海洋頂懸徙動，所以伊主要會出現 ê 陸地就 tī 南美洲上南爿，而且會 tī 南大西洋結束。有一寡人 kā 這个戲劇性 ê 日環食階段叫做 火環日食。月球 ê 偽本影嘛經過南太平洋 ê 島嶼，包括 …

你有看著日頭無？好！按呢你敢會當 kā 咱解說講，是按怎日頭中央有一粒大烏斑？這个烏斑就是 月球，伊若是 行到太陽內底，咱就會 kā 這个現象叫做 日環食，抑是金環日食。這个現象發生 tī 頂禮拜 地球 南半球 一條狹狹 ê 月球烏影 下底。這張相片是 tī 智利 Patagonia 翕--ê。月球若是行到 離地球足倚、而且行到 kah 日頭排仝逝 ê 時陣，地球有一寡所在就看會著 日全食。日環…

暗頭仔天頂出現一粒足光 ê 彗星。彗星 C/2023 A3 (紫金山-ATLAS 彗星) 變甲愈來愈光，雖罔講伊已經光甲目睭 看會著，毋過因為伊 kah 日頭行傷倚，所以咱猶是無法道看著。相片 內底 ê 紫金山-ATLAS 彗星 是 日出進前 ùi 秘魯 Andes 山脈 翕著--ê。Tī 這个 遮爾懸 ê 所在，天氣有較寒。毋過按呢東爿地平線就較低，天文攝影師欲 tī 暗頭仔翕這粒 彗星 就會…

2024 年 ê 第二擺日食 出現 tī 太平洋。10 月 2 號，月球 ê 烏影 ùi 西爿向東爿行過。你若是 tī 這條狹狹 ê 月影路線下底就會看著 日環食。這條路線經過海洋，迵過南美洲上南爿附近 ê 陸地，落尾行到南大西洋。有一寡人 kā 這个戲劇性 ê 日環食 叫做 火環日食。就算是按呢，猶是有足大區所在看會著日偏食。這張速翕是 10 月日食上開始 ê 時陣翕著--ê，tī 日出 ê …

McNaught 彗星是 2007 年 ê 大粒彗星，有一條 足長--ê、敢若膨鼠尾溜 ê 彗尾。這條壯麗 ê 彗尾 tī 天頂是規片--ê，日落了後幾若工，南半球 ê 觀星者 攏看會著伊。相片是闊幅 kha-mé-lah 長時間感光了後，翕著--ê 壯觀 ê 離子尾溜。有當時仔，北半球 ê 觀星者 嘛 干焦會當 tī 地平線以上 看著 彗尾。彗星 C/2006 P1 (McNaught 彗星)…

彗星 C/2023 A3 嘛叫做 紫金山-ATLAS 彗星，伊這馬 tī 地球天頂是愈來愈光。這粒彗星 嘛叫做 A3 彗星，是 ùi 遙遠 ê Oort 雲 來--ê，這馬已經來到 內太陽系矣。這粒彗星 tī 9 月 27 ê 時陣行到 近日點，這是離太陽上倚 ê 所在。伊會 tī 10 月 12 行到 近地點，就是離咱地球上倚 ê 所在。時到伊就會變做夜空中上引人注意 ê 天體。毋過咧翕這張相…

這粒新 ê 彗星已經飛過 kah 太陽上倚 ê 所在，這馬當咧倚近地球。彗星 C/2023 A3 (紫金山-ATLAS 彗星) 這馬拄 ùi 金星 軌道內底 徙出來，差不多閣 2 禮拜就會行到離 地球 上倚 ê 所在。紫金山-ATLAS 彗星 這馬已經光甲目睭有機會看著矣，若是用 kha-mé-lah 長時間感光，應該是翕會起來。這馬地球北半球 kah 南半球 ê 觀星者應該攏看會著這粒彗星矣！…

1716 年 ê 時陣，英國天文學家 Edmond Halley 講，「這看起來干焦是夜空內底 ê 一个光點爾爾，毋過 tī 無月娘 ê 暗暝，天氣若是有清，咱就會當直接用目睭看著伊」。是講，咱這馬較袂講 M13 是 武仙座 內底 ê 大型球形星團矣，咱會直接講伊是北天上光 ê 球形星團。咱若是有 像這款遮爾清楚 ê 望遠鏡影像，就會當看著這个星團內底有 幾若十萬粒足壯觀 ê 恆星。這个星團就 …

彗星 C/2023 A3，簡稱 A3，嘛叫做 紫金山-ATLAS 彗星。咱這馬會當 tī 透早看著 紫金山-ATLAS 彗星 矣！這粒 大粒 垃圾冰山 用 足奇怪 ê 角度 入內到 內 太陽系。閣兩工伊就會接近 太陽 矣！伊會行到 水星 kah 金星 之間。這張相片 是 長時間感光 ê 相片，翕 ê 是 彗星 kah 伊 ê 塗粉尾溜 tī 日出進前 kah 日出期間 ê 變化。相片是 4 工前…

這區厚塗粉 ê 所在當咧形成恆星。這區是倚 南冕座 方向 500 光年 遠 ê 所在，是一區大型 分子雲 複合體。Tùi 一寡人來講，伊 看起來就敢若是 一隻咧受氣 ê 人熊。伊到咱 ê 距離，大約仔是 咱到彼个有名 ê 恆星工場 獵戶座星雲 距離 ê 3 分 1。咖啡色 塗粉雲 kah 較光 ê 星雲濫做伙，kā 銀河系 內底 較遠 ê 背景星 ê 光 閘牢矣，嘛 kā 藏 tī 雲內底，當咧…

這粒已經足光 ê 彗星 接近咱 ê 時陣會發生啥物代誌？較樂觀 ê 預測認為講，彗星 C/2023 A3 (紫金山-ATLAS) 會 tī 真短 ê 時間內，光甲會當直接用目睭看著。彗星未來會偌光，實在是 真歹預測，而且這粒 彗星 可能會 tī 溫暖 ê 日光下底 破去。毋過會當確定 ê 是，彗星這馬是光甲料想袂到。目前是會 tī 這禮拜尾仔 行到 離太陽上倚 ê 所在 (0.39 个 天文單位…

天文定義 ê 秋分，今年是 tī 9 月 22 ê UTC 世界協調時間 12:44。逐年 秋分 ê 時陣，日頭 tī 地球天頂行過 天球赤道，向南方徙動。秋分 是 地球北半球 秋天 ê 開始，tī 南半球是 春天 ê 開始，這工 ê 日時 kah 暗暝是平長。是講，你若是欲慶祝天文季節 ê 變化，你嘛會使揣 雲縫光，嘛會使叫做 佛祖光 抑是 耶穌光。雲縫光 是因為去予雲閘著產生 ê 烏影，會 …

這个背景有足濟恆星嘛足光 ê 所在，有一个因為外形 去予人建議 號做 海馬星雲 ê 天體，大細差不多有 1 光年闊。Ùi 北方 ê 皇家星座仙王座看，這个厚塗粉、閘光 ê 雲，嘛是銀河分子雲 ê 一部份，離咱有 1200 光年遠。伊嘛叫做 Barnard 150 (B150)，是天頂 182 个 暗天標記 ê 其中一个。這寡暗天標記是 20 世紀初 ê 天文學家 E. E. Barnard 編 …

Ùi 某一个角度來看，芝加哥就親像是一个現代 ê 岩石陣。這條路是東西向，這个時間是今仔日。今仔日是 秋分，kah 春分仝款，是 日頭 tī 地球 ùi 正西方 落去 ê 日子。所以，今仔日 tī 芝加哥，日頭 會 ùi kah 赤道方向平行 ê 街仔路 kah 大樓 中央 落去，這个景色咱 kā 叫做 芝加哥 岩石陣。這張相片 是 2017 年 9 月中 秋分 ê 時陣，tī 芝加哥 ê Up…

對蹛 tī 北半球 ê 人來講，九月 ê 月圓叫做 收冬月。9 月 17、18 這兩暗，月娘行到地球烏影內底。伊去予日光照著 ê 彼爿，有一部份 tī 圓錐形 ê 地球本影下底，產生 月偏食。這張相片是透早天欲光進前 2 點半鐘，kā kha-mé-lah 固定 tī 三跤馬頂懸 翕--ê 收冬月食月 系列影像，前景是 Slovakia 共和國東部 ê Spiš 城堡。收冬月是一个傳統名，代表這…

新 ê 恆星 是 ùi 死亡 恆星 ê 殘骸 內底 誕生--ê。銀河系內底有一粒 足大質量 ê 恆星，重力崩塌 死亡了後 ê 氣體殘骸，創出 G296.5+10.0 超新星殘骸。美人魚星雲就是 其中 ê 一部份。美人魚星雲 嘛叫做 泰國鬥魚星雲，是 超新星殘骸 一个特別 ê 亞分類。伊分佈 tī 兩爿，而且伊 ê 形親像是圓--ê。這个雲絲形 ê 星雲上開始是 tī X 光發現--ê，毋過這馬嘛…

這張足清楚 ê 近紅外線相片是 James Webb 太空望遠鏡 翕--ê，中央有翕著 有環 ê 冰巨行星，海王星。這个暗淡 ê 遙遠世界是 離太陽上遠 ê 行星，差不多是地球到太陽距離 ê 30 倍遠。毋閣 tī 這个精彩 ê Webb 影像內底，這粒行星 暗甲親像是幽靈仝款，這是因為大氣層內底 ê 甲烷 kā 紅外線吸收了了。海王星表面大部份會吸收甲烷，伊頂懸 ê 懸雲，tī 這張相片內底嘛…

發射星雲 IC 1805 ê 中心區 有 奇妙形體 ê 宇宙雲。這寡雲會生做這形，是 新形成 ê 星團 Melotte 15 內底 ê 大質量恆星 ê 恆星風 kah 輻射 kā 雕出來--ê。這个 彩色 ê 天景 內底規个攏是這个少年星團，伊差不多才 150 萬歲爾爾。伊 kah 烏暗塗粉雲 ê 外形，攏去予發光 ê 原子氣體 照予光。這張組合影像是 狹頻 kah 闊頻 ê 望遠鏡影像 鬥出來…

是按怎水星頂懸這窟大窟隕石坑有兩輾，而且坑底會遮爾平？無人知影。這个奇怪 ê 地形叫做 Vivaldi 隕石坑，有 215 公里闊。相片是 ESA kah JAXA 合作 ê 機器人太空船 BepiColombo tī 這個月初飛過水星附近 ê 時陣，閣翕 ê 詳細影像。像這款 tī 岩石行星 kah 衛星頂懸 ê 大型圓箍仔形結構，一般講來攏是去予 細粒小行星抑是彗星角 挵、抑是 火山爆發 造…

你敢有看著月娘內底彼个查埔人？這个問題愛看 看的人是毋是有 想像力，有法度 kā 實際上無存在 ê 物件看做咱熟似 ê 圖樣。月娘 表面 ê 紋理有足濟有標誌性 ê 圖樣，毋若佇現代西方文化揣會著，歷史上嘛佇 世界各地 ê 民間故事 內底揣會著。比論講，咱若是綴 月娘 無仝方向去看，就會看著 月娘內底 ê 姑娘仔 抑是 兔仔。咱閣來看 月娘 中央較倚面頂 ê 月海 彼搭，是毋是有成 一个面？就親…