Ѱало́мъ в҃ / Psalm 2 (Slavonic audio only/ только славянский аудио)

Ѱало́мъ в҃

Ѱало́мъ Дави́дꙋ

1 Вскꙋ́ ю шата́шасѧ ꙗзы́цы, и лю́дїе поꙋчи́шасѧ тщє́тнымъ?

2 Предста́ша ца́рїе зе́мстїи, и кнѧ́зи собра́шасѧ вкꙋ́ пѣ на Го́спода и на Христа́ єгѡ́.

3 Расто́ргнемъ ѹ́зы ихъ и ѿве́ржемъ ѿ нас и́го ихъ.

4 Живы́й на Небесѣ́хъ посмѣе́тсѧ имъ, и Госпо́дь порꙋга́етсѧ имъ.

5 Тогда́ возглаго́летъ къ нимъ гнѣ́вомъ свои́мъ и ꙗ́ростїю Свое́ю смѧте́тъ ѧ́.

6 Азъ же поста́вленъ єсмь Царь ѿ Него́ надъ Сїѡ́номъ, горо́ю свѧто́ю єгѡ́,

7 возвѣща́ѧй повелѣ́нїе Госпо́дне. Госпо́дь рече́ ко Мнѣ́: Сынъ Мой єси́ Ты, Азъ днесь роди́хъ Тѧ.

8 Проси́ ѿ Мене́, и дамъ Ти ꙗзы́ки достоѧ́нїе Твое́, и ѡдержа́нїе Твое́ концы́ земли́.

9 Ѹпасе́ши ѧ́ жезло́мъ желѣ́знымъ, ꙗ́кѡ сосу́ды скуде́льничи сокрꙋши́ши ѧ́.

10 И ны́нѣ, ца́рїе, разꙋмѣ́йте, накажи́тесѧ вси сꙋдѧ́щїи земли́.

11 Рабо́тайте Го́сподеви со стра́хомъ и ра́дꙋйтесѧ Ємꙋ́  съ тре́петомъ.

12 Прїими́те наказа́нїе, да не когда́ прогнѣ́ваетсѧ Госпо́дь и поги́бнете ѿ пꙋти́ пра́веднаго, єгда́ возгори́тсѧ вско́рѣ ꙗ́рость єгѡ́. Блаже́ни вси надѣ́ющїисѧ Нань.