Ѱало́мъ д҃ / Psalm 4 (Slavonic audio only/ только славянский аудио)

Here is the text of Psalm 4 in Church Slavonic (secular script or modern Cyrillic). Eventually I will update the text to Slavonic orthography.

Вот текст Псалма 4 на церковнославянском языке (светское письмо или современная кириллица). Со временем обновлю текст на славянскую орфографию.

Ѱало́мъ д҃

1 В коне́ц, в пе́снех псало́м Дави́ду

2 Внегда́ призва́ти ми, услы́ша мя Бог пра́вды моея́, в ско́рби распространи́л мя еси́, уще́дри мя и услы́ши моли́тву мою́.

3 Сы́нове челове́честии, доко́ле тяжкосе́рдии? Вску́ю лю́бите суету́ и и́щете лжи?

4 И уве́дите, я́ко удиви́ Госпо́дь преподо́бнаго Своего́: Госпо́дь услы́шит мя, внегда́ воззва́ти ми к Нему́.

5 Гне́вайтеся, и не согреша́йте, я́же глаго́лете в сердца́х ва́ших, на ло́жах ва́ших умили́теся.

6 Пожри́те же́ртву пра́вды и упова́йте на Го́спода.

7 Мно́зи глаго́лют: кто яви́т нам блага́я? Зна́менася на нас свет лица́ Твоего́, Го́споди.

8 Дал еси́ весе́лие в се́рдце мое́м: от плода́ пшени́цы, вина́ и еле́а своего́ умно́жишася.

9 В ми́ре вку́пе усну́ и почи́ю, я́ко Ты, Го́споди, еди́наго на упова́нии всели́л мя еси́.